Exported Data

24 May 2023

Channel «ኪዳን ዘኢየኡስ» created

Channel photo changed

ኪ

13:38

ኪዳን ዘኢየሱስ

ክርስቶሳዊነት

ክርስቶሳዊነት ማለት ክርስቶስን መምሰል ነው የዓለም ብርሃን የሆነ እርሱን በሰውናታችን ሁሉ ላይ ተቀብሎ እንደ እንቁ ማብረቅረቅ ነው። ይህን ታላቅ ጸጋ እንዴት መግለጽ ይቻላል ሰው እንዴት አምላኩን ሊመስል ይችላል? የምንችለውስ በኛ አቅም አይደለም በእርሱ በእራሱ ላይ ተደግፈን ነው እንጂ ፣ ይገርማል በክርስቶስ ላይ ተደግፎ ወደ ክርስቶሳዊነት መውጣት። እኛማ ምን አቅም አለን ከምድራዊ አዳም ተወልደን በስጋችን ሟቿች ሆነን ፣ ነፍሳችንም ኃጢአትን የምትናፍቅ በኃጢአት ሞት ውስጥ ተከባ ያለች ናት ፣ መልካሙን ከመስራት ይልቅ ሁል ጊዜ ኃጢአትን እንመኛለን ፣ በኃጢአታችንም ምክንያት የሞት ባሮች ሆነናል። ሕይወታችንም በጨለማ ተከቦ የሌሊት አውሬ እንዳይውጠን ፈርተናል። ነገር ግን በዚ ሁሉ ጨለማ ውስጥ እንደ ንጋት ኮከብ የሚያበራልን ብርሃን አለ እርሱም የጠፉ ልጆቹን ሊፈልግ የመጣ የአማልክት አምላክ ክርስቶስ ኢየሱስ ነው። አሮጌው አዳማዊ ማንነታችንን ደምስሶ አዲስ ክርስቶሳዊ ማንነትን ሰራለን ፣ እኛ እንደ ተፈጠርንበት ማንነት መኖር ሲያቅነት የአማልክት አምላክ የእኛን ማንነት ይዞ መጣ ፣ አከበረው ወደ እርሱ ማንነትም አወጣው። ወደ ጨለማ ሕይወታችን ወርዶ የብርሃንን ነጸብራቅ አሳየን ፣ በብርሃናዊ ማንነቱ ወልዶ የብርሃን ልጆች እንባል ዘንድ አድሎናል። ከአዳም የተወለደ ሁሉ አዳማዊ ነው ከክርስቶስ የተወለደ ሁሉ ደግሞ ክርስቶሳዊ ነው ፣ ይህም የሆነው ባሕርያችንን ባሕርይው አድርጎ ባደሰው ሁሉ ከእርሱ እና ስለእርሱ በሆነው በክርስቶስ ነው። ከክርስቶስ ውጪ ሕይወት የለንም ፣ ከክርስቶስ ውጪ ብርሃን የለንም ፣ ከክርስቶስ ውጪ የምንመካበት ማንነት የለንም ።

ክርስቲያን የሆነ ሁሉ በክርስቶሳዊ ማንነት ይኖር ዘንድ በተጠመቀ ጊዜ ክርስቶስን የመምሰል ጉዞ ጀምሯል ፣ ዘላለም የማያልቅ ረጅም ጉዞ ፣ የመለኮትን ባሕርይ በጸጋ ገንዘብ እያደረጉ ዘላለም የሚጓዙበት ጉዞ ። በዚህ ሁሉ የሚገርመው ደግሞ የጉዞው መነሻ ከክርስቶስ ጎን በፈለቀ ውሃ ጥምቀት ነው ፣ የጉዞው መንገድም ክርስቶስ ነው ፣ የጉዞው ስንቅም ክርስቶስ እንበላው እና እንጠጣው ዘንድ የሰጠን የክርስቶስ የእራሱ ስጋና ደም ነው ፣ የጉዞው አቅጣጫ ጠቋሚ ኮምፓሶች ክርስቶስን የመሰሉ ቅዱሳን ናቸው ፣ የጉዞው መዳረሻም እራሱን ክርስቶስን መምሰል ነው ከዚህ ጉዞ ያልተሰናከለ ምነኛ ብጹእ ነው!

ክርስቶሳዊነት ማለት እሳት ነው ፣ ኃጢአታችንን ከውስጣችን አቃጥሎ የሚጨርስ እሳት ነው ፣ አዳማዊ ማንነታችንን ለብልቦ እሳት ወደ ሆነ ክርስቶዊ ማንነት የሚያቀርበን እሳት ነው ፣ በጥምቀት ክብሪት ውስጣችን ተለኩሶ ዘወትር የስጋውና ደሙ ጋዝ እየተጨመረበት የሚንበለበል ፣ አጋንንትን የሚያቃጥል እሳት ነው። በዚህ እሳት እንኑር ፣ ወደዚህ እሳት እንጠጋ ፣ ከዚህ እሳት እንሙቅ ፣ ዘወትርም የጽድቅን ስራ እየሰራን ይህን እሳት እናቀጣጥለው እንጂ የኃጢአትን ውሃ አንቸልስበት። አሜን የክርስቶስ ሰላም ከሁላችን ጋር ይሁን።

❤ 18 🥰 3 👍 1

Channel title changed to «ኪዳን ዘኢየሱስ»

ኪ